Хитай даирилири әйдиз бимарлири һоқуқини қоғдиғучи зат ху җяни рәсмий әйиблиди


2008-02-01
Share

Хитай әдлийә даирилири хитайдики әйдиз бимарлири һоқуқини қоғдиғучи мәшһур зат ху җяни " дөләт һакимийитигә қарши иғвагәрчилик қилиш" җинайити билән рәсмий әйиблиди. Ху җяниң адвукати ли фаңпиңниң җүмә күни ашкарилишичә, хитай сақчи даирилири ху җяниң қанунда бәлгиләнгән тутуп турулуш вақти тошуштин бурун, өткән сәйшәнбә күни уни рәсмий қолға алған һәм ху җяниң аяли зең җинйәнгә қолға елиш уқтурушини тапшурған.

Ху җя, өткән йили 12 - айниң 27 - күни сақчилар тәрипидин тутуп кетилгәндин кейин, униң аяли зең җинйән вә қучақтики бовиқи аилисидә нәзәрбәнт қилинған иди. Сақчилар пәйшәнбә күни ху җяниң ата- анисини оғли билән көрүштүргән болсиму, лекин униң адвукатлириниң ху җя билән көрүшүшигә һазирға қәдәр рухсәт қилмиди. Ху җя әйдиз бимарлири һоқуқини қоғдиғучи зат сүпитидә нам чиқирипла қалмай, у йәнә пуқраларниң өй - мүлүк һоқуқини қоғдаш вә тор бетидә хитай һөкүмитини тәнқид қилидиған мақалиләрни йезиш билән нам чиқарған һәм 2007 - йили явропа иттипақиниң "сахаров" тинчлиқ мукапатиға еришкән иди.

Ху җяниң қолға елиниши ғәрб әллиридә күчлүк инкас қозғиған болуп, америка ташқи ишлар министирлиқи ху җяниң қолға елинишидин биарам болғанлиқини билдүргән, явропа парламенти қарар мақуллап уни дәрһал қоюветишини тәләп қилған. Ху җяниң қолға елинған вақти хәлқара җәмийәт хитайни бейҗиң олимпик мусабиқиси йетип келиштин бурун, кишилик һоқуқ хатирисини яхшилашқа үндәватқан мәзгилгә тоғра кәлди. Шу түпәйли бу вәқә ғәрб дөләтлири вә кишилик һоқуқ тәшкилатлириниң диққитини қозғимақта иди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт