Chégrisiz muxbirlar teshkilati xitay hökümitining falün'gung muritlirini qolgha alghanliqini eyiplidi

2004-12-30
Élxet
Pikir
Share
Print

Xelq'aradiki axbarat erkinlikini qoghdaydighan chégrisiz muxbirlar teshkilati peyshenbe küni bayanat élan qilip, xitay hökümitining yéqinda 11 neper falün'gung muritini qolgha alghanliqini qattiq eyiplidi.

Mezkur teshkilatning bildürüshiche, qolgha élin'ghan falün'gung muritliri xitay da'irilirining türmilerde falün'gung muritlirini qiyin- qistaqqa alghan süretlerni intérnétte tarqatqanliqi üchün, bu yil 12 - ayda tutup kétilgen. Buning ichide myaw yü'enxu'a isimlik bir falün'gung muriti özining töt yil türmide yétish jeryanida uchrighan qiyin- qistaqlirini qayta gewdilendüridighan süretlerni tor bétide tarqatqan.

Chégrisiz muxbirlar teshkilatining bayanatchisi juliyen pen bayanatida, "biz xitay hökümitining türmide tartqan azap - oqubetlirini intérnét tor béti arqiliq ammigha ashkarilighan bu kishilerni qolgha alghanliqini qattiq tenqid qilimiz. Bu xitay hökümitining söz erkinlikini depsende qiliwatqanliqining eng yéngi ipadisi" didi.

Emma xitay hökümiti chégrisiz muxbirlar teshkilatining bu tenqidini ret qilghan. Xitay hökümiti 1999 - yili falün'gung teriqatini xurapatchiliq dep élan qilip, uni chekligen. Shundin kiyin xitay da'iriliri nechche minglighan falün'gung muritlirini qolgha élip tutqun qilghan idi. (Arzu)

Pikirler (0)
Share
Toluq bet