Argintinada falunggungchilar hujumgha uchridi


2005-12-23
Share

Xongkongdiki falunggung teshkilatining bildürüshiche, yéqinda argintinaning paytexti baynis ayrista xitay kommonist partiyisi siyasiy byurosining ezasi lo genning ziyaritige qarshi naraziliq namayishi ötküzgen falunggung muritliri xitay elchixanisi yalliwalghan kishilerning hujumigha uchrighan.

Xongkongdiki falunggung teshkilati teripidin 23 ‏- dékabir küni élan qilin'ghan bir bayanatta éytilishiche, argintinaning paytexti bynis ayristiki falunggung muritliri 14 ‏-dékabir küni logenning argintina ziyaritige qarshi argéntina parlaminti aldida naraziliq namayishi ötküziwatqan mezgilde, 10 gha yéqin xitay yashliri namayishchilargha hujum qilghan hemde namayishchilarni urup, ularning lozunkilirini yértip tashlighan.

Falunggung teshkilatining éytishiche, namayishchilargha hujum qilghuchilar argintinadiki xitay bash elchixanisi teripidin yallan'ghan kishiler iken. Xongkongdiki falunggung teriqitining bayanatchisi ken xungchüngning bildürüshiche, weqe jeryanida birnechchiligen namayishchilar yaridar bolghan.

Falunggung teriqitining pa'aliyiti xitayda cheklen'gen bolsimu, emma xongkongda qanunluq bir teriqet süpitide pa'aliyitini dawamlashturmaqta. Falunggung teriqitining éytishiche, xitay hökümitining mezkur teriqetni basturush herikiti netijiside , hazirghiche 2800 neper teriqet muriti ölgen. Lékin xitay hökümiti falunggung teriqitining eyibleshlirini ret qilmaqta. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet