Fransiye prizidénti xitay rehberlirige siyasi mehbuslar mesilisidiki endishisini yetküzdi


2004.10.10

Fransiye prizidénti jak shirak, xitay da'irilirige yawropa ittipaqi diqqet qiliwatqan xitay türmiliridiki siyasi mehbuslar tizimlikini tapshurdi. Amérika birleshme axbarat agéntliqining béyjingdiki fransiye elchixanisi bayanatchisining sözini neqil keltürüshiche, tizimlikni yawropa ittipaqi hazirlighan bolup, yawropa ittipaqigha eza döletler rehberliri her qétim xitayni ziyaret qilghanda béyjing da'irilirige türmidiki siyasi mehbuslar tizimlikini tapshuridu. Fransiye axbarat agéntliqi, shirakning tizimlikide xitay da'iriliri siyasi seweplerdin türmige tashlighan 10 kishining barliqini bildürdi. Biraq tizimliktiki 10 kishining isim - sheripi mexpiy tutulghan. Bezi közetküchiler, Uyghur kishilik hoquq pa'aliyetchisi rabiye qadirning tizimliktiki aldinqi qatardiki shexs bolush é'ihtimalliqini ilgiri sürmekte.

Rabiye qadir yéqinda norwigiye rafto jemiyitining kishilik hoquq mukapatigha érishken.Amma u hazirghiche türmide yatmaqta. Xitay hökümiti chet'el hökümetlirining xitay kishilik hoquq mesilisige arlishishigha qarshi turup keldi . Shirak yekshenbe küni xitay bash ministiri wén jyabaw, xitay xelq qurultiyining mudiri wu banggo bilen körüshken. U shenbe küni xu jingtaw bilen söhbet ötküzüp, teywan boghuzining hazirqi halitini özgertish yolidiki her qandaq urunushqa qarshi turidighanliqini bildürgen. Fransiye prizidénti xitaydiki ziyariti jeriyanida siyasi mehbuslar mesilisini otturigha qoyghandin sirt, uning asasliq küntertipi iqtisadi jehettiki hemkarliq mesilisige merkezleshti fransiye bilen xitay yekshenbe kün'giche hejimi 4 milyard dollarliq iqtisadi hemkarliq toxtimi imzalidi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.