Fransiye prézdénti shirak shangxeyge yétip bardi

Xitayda ziyarette boliwatqan fransiye prézdénti jeks shirak (Jachques Chirach) düshenbe küni shangxeyge yétip kélip, ikki döletning iqtisadiy we siyasiy munasiwitini téximu yaxshilash meqsitide pa'aliyetlirini dawamlashturdi.

Amérika birleshme axbarat agéntliqining xewirige qarighanda, fransiye prézdénti shirak repiqisi, tashqi ishlar ministiri we fransiye tijaretchilirining hemrahliqida shangxeydiki xitay-fransiye hemkarliq tetqiqat ornigha ul qoyush murasimigha qatnashti.

U ziyariti dawamida yene, tongji uniwérsitétida nutuq sözlidi hem xitayning sabiq re'isi jiyang zémin bilen körüshti.

Shirak bu qétimliq sepiride 250 kishilik wekiller ömiki bilen xitaygha kelgen bolup, xitaydiki ziyariti dawamida hazirghiche xitay shirketliri bilen 1 milyard amérika dolliriliq soda kélishimi tüzüp boldi.

Shirak yene xitay hökümitige, yawropa birliki endishe qiliwatqan türmidiki siyasiy jinayetchilerning tizimlikini sundi. U seyshenbe küni shangxeydiki ziyaritini axirlashturup, xongkonggha barmaqchi.(Peride)