Сичуәндә газ чиқип кетиш вәқәси йүз бәрди


2006-12-27
Share

Хитай даирилири тәрипидин берилгән мәлуматта көрситилишичә, бундин бир нәччә күн илгири, хитайниң сичуән өлкиси шүәнву наһийисидики чиншиҗин кәнтидә газ чиқип кетиш вәқәси йүз бәргән болуп, мәзкур җайдики 12 миңдин артуқ киши тарқақлаштурулған.

Мәлуматта ейтилишичә, 21 ‏- декабир күни йерим кечидә, мәзкур кәнттики бир тәбийи газ қудуқидин газ етилип чиққан. Гәрчә вәқә йүз бериш билән, йәрлик һөкүмәт идарилири җиддий қутқузуш ишлирини орунлаштуруп, газ қудуқиға семонт топа төкүш арқилиқ тосушқа тиришқан болсиму, қудуқтики газ бесими бәк күчлүк болғанлиқтин, қудуқ ағзини етивилишқа чарисиз қалған.

Мәзкур вәқә гәрчә йерим кечидә йүз бәргән болсиму, қудуқниң бурғилаш чоңқурлуқи тейиз болғачқа кеслата дәриҗиси аҗиз болуп, зәһәрлиниш һадиси йүз бәрмигән.

Хитайда тәбий газ қудуқидин газ етилип чиқиш вәқәси давамлиқ йүз берип туридикән. 2003 ‏- Йили, чоңчиңдә йүз бәргән газ партлап чиқиш вәқәсидә, 243 адәм зәһәрлинип өлгән, 4 миңдин артуқ адәм яриланған вә шундақла 6 миңдин артуқ адәм тарқақлаштурулған. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт