Sichu'ende gaz chiqip kétish weqesi yüz berdi
2006.12.27
Xitay da'iriliri teripidin bérilgen melumatta körsitilishiche, bundin bir nechche kün ilgiri, xitayning sichu'en ölkisi shüenwu nahiyisidiki chinshijin kentide gaz chiqip kétish weqesi yüz bergen bolup, mezkur jaydiki 12 mingdin artuq kishi tarqaqlashturulghan.
Melumatta éytilishiche, 21 - dékabir küni yérim kéchide, mezkur kenttiki bir tebiyi gaz quduqidin gaz étilip chiqqan. Gerche weqe yüz bérish bilen, yerlik hökümet idariliri jiddiy qutquzush ishlirini orunlashturup, gaz quduqigha sémont topa töküsh arqiliq tosushqa tirishqan bolsimu, quduqtiki gaz bésimi bek küchlük bolghanliqtin, quduq aghzini étiwilishqa charisiz qalghan.
Mezkur weqe gerche yérim kéchide yüz bergen bolsimu, quduqning burghilash chongqurluqi téyiz bolghachqa késlata derijisi ajiz bolup, zeherlinish hadisi yüz bermigen.
Xitayda teb'iy gaz quduqidin gaz étilip chiqish weqesi dawamliq yüz bérip turidiken. 2003 - Yili, chongchingde yüz bergen gaz partlap chiqish weqeside, 243 adem zeherlinip ölgen, 4 mingdin artuq adem yarilan'ghan we shundaqla 6 mingdin artuq adem tarqaqlashturulghan. (Méhriban)
Munasiwetlik maqalilar
- Xitayda balilar yémekliktin zeherlinish weqesi dawamliq yüz bermekte
- Sichu'endiki namayish dawamlashmaqta
- Rusiye altay arqiliq xitayning sherqi déngiz rayonlirini teminleydighan tebi'i gaz turubisi yasimaqchi
- Sichüende bir sot mehkimiside özini öltürwélish xaraktérlik partlash yüz berdi
- Sichüende yéngidin qush zukami bayqaldi