Хитай җамаәт хәвпсизлик министирлиқи гәнсуда тепилған адәм сөңәклирини тәкшүрүшкә башлиди


2006.04.07

Хитай җамаәт хәвпсизлик министирлиқи гәнсуниң тйәнҗу наһийисидә байқалған адәм баш сөңәклириниң келиш мәнбәси, өлгүчиләрниң салаһийити вә йеши үстидә тәкшүрүш елип беришқа башлиди. Бу йил 3 ‏- айниң ахирилири гәнсуниң тйәнҗу наһийиси гучиңлин районидики җиншасән давәнко билән чиңхәй өлкиси тутушидиған чегридин 121 данә баш сөңики байқалған.

Тәкшүрүш арқилиқ сөңәкләрниң адәм баш сөңики икәнлики испатланған иди. Рәсимдин мәлум болушичә, баш сөйәклириниң маңлай қисими йоқ болуп, сөйәкләрниң келиш мәнбәси вә ишлитиш мәқсиди һәққидә һәр хил пәрәзләр илгири сүрүлмәктә. Пәрәзләрниң бири, бу сөңәкләр қанунсиз тиббий тәҗрибиниң қурбаниға айланлан кишиләр болуши мумкин. Иккинчиси, қараңғу базардики адәм сөңикидин сәнәт буюмлирини ясайдиғанлар билән мунасивәтлик болуш еһтимали бар.

Бу вәқә хитай мәтбуатлириниң җиддий диққитини қозғиған. Шинхуа ахбарат агентлиқиниң хәвәр қилишичә, хитай җамаәт хәвпсизлик министирлиқи баянатчиси ву хепиң, тйәнҗу наһийисидин тепилған баш сөңәклиригә "вақтинчә бир йәргә йиғип қоюлған вә җараһәт излири йоқ " дәп изаһат бәрди. Хитай қанун дохтури чен шишйән, баш сөңәклири үстидин тәкшүрүш елип барғандин кейин сөңәкләрниң адәм беши икәнлики, уларниң ичидә әрләр, аяллар, яшанғанлар вә яшларниң беши барлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.