Xitay jama'et xewpsizlik ministirliqi gensuda tépilghan adem söngeklirini tekshürüshke bashlidi


2006.04.07

Xitay jama'et xewpsizlik ministirliqi gensuning tyenju nahiyiside bayqalghan adem bash söngeklirining kélish menbesi, ölgüchilerning salahiyiti we yéshi üstide tekshürüsh élip bérishqa bashlidi. Bu yil 3 ‏- ayning axiriliri gensuning tyenju nahiyisi guchinglin rayonidiki jinshasen dawenko bilen chingxey ölkisi tutushidighan chégridin 121 dane bash söngiki bayqalghan.

Tekshürüsh arqiliq söngeklerning adem bash söngiki ikenliki ispatlan'ghan idi. Resimdin melum bolushiche, bash söyeklirining manglay qisimi yoq bolup, söyeklerning kélish menbesi we ishlitish meqsidi heqqide her xil perezler ilgiri sürülmekte. Perezlerning biri, bu söngekler qanunsiz tibbiy tejribining qurbanigha aylanlan kishiler bolushi mumkin. Ikkinchisi, qarangghu bazardiki adem söngikidin sen'et buyumlirini yasaydighanlar bilen munasiwetlik bolush éhtimali bar.

Bu weqe xitay metbu'atlirining jiddiy diqqitini qozghighan. Shinxu'a axbarat agéntliqining xewer qilishiche, xitay jama'et xewpsizlik ministirliqi bayanatchisi wu xéping, tyenju nahiyisidin tépilghan bash söngeklirige "waqtinche bir yerge yighip qoyulghan we jarahet izliri yoq " dep izahat berdi. Xitay qanun doxturi chén shishyen, bash söngekliri üstidin tekshürüsh élip barghandin kéyin söngeklerning adem béshi ikenliki, ularning ichide erler, ayallar, yashan'ghanlar we yashlarning béshi barliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.