Chén shuybyen bilen ma yingjyuning söhbet xatirisi (3)

• Öz muxbirimiz welining bu toghridiki bayani
• Download story audio

Mayingjyuning “Bir junggu” toghrisidiki qarishi

Chong quruqluqtiki kommunist hökümiti teywenni özining da'irisige kirgüzüwalghan bolsa, bizning jungxu'a min'goning da'irisigimu chong quruqluq kirgüzülgen. Shunglashqa bir junggo dégenni her ikki terep öz chüshenchisi boyiche ipadilishi kérek, ‏-‏-‏-dep bayanini dawamlashturidu teywendiki gomindang partiyisining yéngi re'isi ma yingjyu ependi, ‏-‏-‏- lyen, sung ependiler chong quruqluqqa yene baridu, men ular bilen bu heqte yene chungqurlap sözlishimen. Qoral sétiwélish mesilisige kelsek, men téxi prézidént bolmighachqa, bu jehette xamchot otturigha qoyalmaymen, lékin men qoral sétiwélishni qollaymen. ‏-‏-‏-Dep bayanini dawamlashturidu ma yingjyu ependi, ‏-‏-‏-asasiy qanun'gha tüzitish kirgüzüsh 7 qétim élip bérildi, eger jiddiy éhtiyajliq bolmisa, xelqni muzakirige séliwermeslik kérek. Men yene chén shuybyen ependi bilen söhbetlishishni xalaymen.

Chin shüybyenning “Döletni birlikke keltürüsh” ke qarita ipadisi

‏Teywendiki, meyli 'döletni birlikke keltürüsh komitéti' dégen organ bolsun yaki 'döletni birlikke keltürüsh programmisi' dégen maddilar bolsun, u hemmisi teywendiki burunqi gomindang partiyisining mustebit hökümitining mehsuli, -‏-‏- deydu teywen prézidénti chén shuybyen ependi ma yingjyuning sözige jawaben , ‏-‏-‏-‏- buning héchqaysi qanun palatasida qarar qilinmighan. Bu organlar özimu birer emeliy ish qilghini yoq. Hazirqi teywen hökümiti gomindang partiyisining qararini ijra qilmaydu. Teywenning kelgüsi istiqbaligha bérip taqilidighan bu mesilini chuqum teywendiki 23 milyon xelq özi qarar qilishi kérek. Bu jehettiki qararmu démokratik yol bilen bolidu. Men mushu meqset üchün, chong quruqluqning birlikke keltürüsh qanunini 'bikar qilish'ni otturigha qoydum. Amérika terep 'tonglitish yaki 'toxtitip qoyush' dégen ibarini qollinishni tewsiye qildi. Axir 'birlikke keltürüsh qanunini axirlashturush' dep qollinishqa kélishtuq. Hazir 'döletni birlikke keltürüsh komitéti' dégen organning maliye menbesi tamamen üzüldi, uning xizmetchilirimu kelgen yérige kétip boldi, bu ish alliqachan axirlashti. Emdi buningdin kéyin bu heqte bashqiche perez yaki tépishmaq otturigha chiqirilmasliqi kérek, mining qarishimche, qandaq ibarini qollinish heqqide talash -tartish qiliwirish hajet emes, ‏-‏-‏-‏- dep bayanini dawamlashturidu chén shubyen, ‏-‏-‏- men hazirqi hökümetning qarari bolmighan qaysi bir partiyining siyasitini ijra qilmaymen.

Chin shüybyen: teywen chong quruqluq bilen söhbet ötküzmekchi bolsa, aldi bilen özide qoral küchi jehettiki üstünlük bolush kérek

Yene bir izahat béridighan ish shuki, teywenning qoral sétiwélish pilani 2004 ‏- yili teywenning kelgüsi heqqide omum xelq awaz qoyup qarar qilish teshebbusi yaki birlikke keltürüsh qanunini bikar qilish teshebbusi otturigha qoyulghandin kéyin otturigha qoyulghan pilan emes, belki uningdin 12 yil burun prézidént li déngxuy otturigha qoyghan pilan. Pilandiki bashqurulidighan bomba sétiwélish yeni 3 ‏- ewlat wetenperwer sétiwélish, p ‏-13 s belgilik herbiy ayrupilan sétiwélish dégen maddilarni shu waqittiki démokratik hökümet bikitken. Shu waqitta amérika prézidénti kilinton qoshulghan, bu pilanni hazirqi amérika prézidénti bushmu testiqlidi. Men hazir shu pilanni ijra qiliwatimen. Men ezeldin tartip ikki qirghaq mesiliside, teywen chong quruqluq bilen söhbet ötküzmekchi bolsa, aldi bilen özide qoral küchi jehettiki üstünlük bolush kérek dégen qarashtimen. Bundaq küch bolmisa ular sen bilen söhbetleshmeydu. Gomindang partiyi'isi bu heqte yéngi qarar maqullisa yaxshi bolatti.

Chin shüybyen: teywenning kelgüsini teywen xelqi öz qolida tutushi kérek

Bu heqte yene qandaq söz -ibare qollinishni talash -tartish qiliwermeslik kérek, ‏-‏-‏-‏- dep bayanini dawamlashturidu chén shubyen, ‏-‏-‏- amérika prézidénti jorji bushning yazghan xétide mini teywen prézidénti dep atighan, bu dégen qa'ide. Emma teywende yaki chong quruqluqta birkim teywen dep atimisa teywen mewjut bolmay qalmaydu, mini prézidént emes dése yaki manga bésim ishletse, shuning bilen mining ornum yoqap ketmeydu. Mini teywen xelqi saylighan, shunglashqa men teywenning izzet-abruyini qoghdaymen. Bizning qarshi teripimizdiki qirghaqtiki hökümet bizdiki démokratik tüzümni yaxshi körmeydu, shunglashqa bizge bashqurulidighan bomba tengleydu. 2004 ‏- Yili bezi kishiler omum xelq awaz qoyup qarar qilishqa qarshi turdi, manga nahayiti qattiq bésim ishletti, herxil yollar bilen mini qollaydighan awaz nisbitini azlitiwetti. Men hetta qaytidin saylinalmighidek halgha kélip qalghandimu, yenila omum xelq awaz qoyup qarar qilish teshebbusini dawamlashturiwerdim. Kéyin buning toghriliqini hemme kishi hés qildi. Meyli néme ish bolup ketsün, teywenning kelgüsini teywen xelqi öz qolida tutushi kérek. Men bu démokratiye yolidin yanmaymen. Ishinimenki, teywen chuqum sherqtin chiqqan qoyash bolup qalidu.

Sirtqi mulahizichilerning küzitishi

Hazir teywende turuwatqan siyasiy mulahzichi lin bawxu'a ependining mulahize qilishiche, chong quruqluqtiki kommunistik partiyisi bilen teywendiki gomindang partiyisining birliksep siyasiti hazir halaketke yüzlenmekte.

Lin bawxu'a ependining bayan qilishiche, chong quruqluqtiki kommunstik partiye bilen teywendiki gomindang partiyisi mushu ayning béshida bir 'söhbet munbiri' échishni pilanlighan iken. Bu söhbet munbirining yighinini teywende échish yéqinda ret qilindi. Buning özi kommunistik partiyining teywen'ge qaratqan birliksep siyasitining halaketke yüz liniwatqanliqidin dérek béridu. Bu yighin emdi béyjingda échilamdu, mezmuni néme, buni gomindang partiysi téxiche xelqtin mexpi tutmaqta. (Tügidi)