Xitay hökümiti Google in'giliz tili xewer tor bétini pichetlidi

Bash shitabi parizhdiki chégrisiz muxbirlar teshkilati xitay hökümitining dangliq izdesh tor béti bolghan Google ning in'giliz tilidiki xewer torini pichetligenlikini qattiq eyiplidi. Shuning bilen bir waqitta, amérikidiki dangliq shirkitining xitay hökümiti bilen birliship, xitay tilida chiqidighan xewer toridiki sezgür mezmunlarni süzüp chiqiriwetkenlikige naraziliq bildürdi.

Chégrisiz muxbirlar teshkilatining seyshenbe küni körsitishiche, Google shirkiti xitayda, xitay tilidiki xewer torini échish üchün, béyjing hökümiti bilen hemkarliship, hökümet da'iriliri xalimaydighan xewer we tor betlirini süziwetken. Netijide amérika awazi radi'osining tor béti we falün'gungni qollaydighan " ulugh ira" gézitining tor betlirige oxshaydighan nurghun tor betler xitaydiki da échilmaydighan bolghan.

Chégrisiz muxbirlar teshkilati Google shirkitini bu xil qilmishini derhal tüzitip, axbarat erkinlikini himaye qilishqa chaqirdi.

Google Shirkitining xewer tori dunyada kishiler eng köp köridighan tor betlirining biri. Google Ning in'giliz tilidiki tor bétide dunyadiki töt mingdin artuq xewer menbelirining xewirini körgili bolidu. Roytiris agéntliqining bildürishiche, ularning muxbiri seyshenbe küni xitayda turup mezkur tor betke chiqalmighan. (Arzu)