Хитай ширкәтлири адәм терисидин грим буюмлири ясимақта


2005-09-13
Share

Әнгилийидә чиқидиған бир гезитниң сәйшәнбә күни ашкарилишичә, хитайда бир грим буюмлири ширкити өлүм җазасиға һөкүм қилинған мәһбусларниң терисини соювелип, униңдин ясалған грим буюмлирини явропа әллиригә експорт қилған.

Франсийә ахбарат агентлиқиниң әнгилийә "мудапиә" гезитидин нәқил кәлтүрүшичә, мунасивәтлик кшиләр мәхпий тәкшүрүш елип бериш арқилиқ хитайдики мәзкур грим буюмлири ширкити өлүм җазасиға һөкүм қилинип етип ташланған җинайәтчиләрниң терисидин бир хил ақсил маддисини айривелип, униңдин ләв сурух вә қоруқни йоқутуш мейи ишләпчиқарғанлиқини байқиған.

"Мудапиә гезити "мәзкур ширкәтниң бир қисим мәһсулатлири әнгилийигә експорт қилинғанлиқини билдүргән. " Мудапиә " гезитиниң тәкитлишичә, инсанпәрвәрлик әхлақиға ят болған бу қилмиш кишиләрниң саламәтликигиму зиян салидикән.

Хитай даирилири узундин бери өлүм җазасиға һөкүм қилинған мәһбусларниң ички әзалирини сетиш билән әйипләнмәктә иди. Әмма өлгән мәһбусларниң терисидин грим буюмлири ясаш сәтчиликиниң тунҗи қетим тилға елиниши болуп һесаблиниду. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт