Xitay shirketliri adem térisidin grim buyumliri yasimaqta

En'giliyide chiqidighan bir gézitning seyshenbe küni ashkarilishiche, xitayda bir grim buyumliri shirkiti ölüm jazasigha höküm qilin'ghan mehbuslarning térisini soyuwélip, uningdin yasalghan grim buyumlirini yawropa ellirige éksport qilghan.

Fransiye axbarat agéntliqining en'giliye "mudapi'e" gézitidin neqil keltürüshiche, munasiwetlik kshiler mexpiy tekshürüsh élip bérish arqiliq xitaydiki mezkur grim buyumliri shirkiti ölüm jazasigha höküm qilinip étip tashlan'ghan jinayetchilerning térisidin bir xil aqsil maddisini ayriwélip, uningdin lew surux we qoruqni yoqutush méyi ishlepchiqarghanliqini bayqighan.

"Mudapi'e géziti "mezkur shirketning bir qisim mehsulatliri en'giliyige éksport qilin'ghanliqini bildürgen. " Mudapi'e " gézitining tekitlishiche, insanperwerlik exlaqigha yat bolghan bu qilmish kishilerning salametlikigimu ziyan salidiken.

Xitay da'iriliri uzundin béri ölüm jazasigha höküm qilin'ghan mehbuslarning ichki ezalirini sétish bilen eyiplenmekte idi. Emma ölgen mehbuslarning térisidin grim buyumliri yasash setchilikining tunji qétim tilgha élinishi bolup hésablinidu. (Erkin)