Gu'angshi yangshu nahiyisidiki amma hökümet we saqchilar bilen toqunushti


2007.10.02
Share on WhatsApp
Share on WhatsApp

Amérika awazi radi'osining -2 öktebir xewirige asaslan'ghanda, -1 öktebir gu'angshining yangshu nahiyisidiki amma hökümetke qarshi keng kölemlik naraziliq herikiti élip barghinida hökümet saqchilirining qattiq basturushigha uchrighan.

Ammining naraziliqigha hökümet da'irilirining yülung deryasi sayahet mulazimitini toxtatqanliqi seweb bolghan bolup, nechche onlighan amma düshenbe küni yulung deryasining piréstanida naraziliq bildürgende, hökümet saqchiliri ularni tarqilishqa buyruq qilghan . Netijide ikki terep otturisida toqunush yüz bergen . Saqchilar hetta ammigha qaritip oq chiqarghan hemde naraziliq bildürgen bezi kishilerni tutup ketken.

Arqidin minggha yéqin kishi yerlik saqchixana aldida namayish ötküzüp tutuwalghanlarni qoyup bérishni telep qilghan bolsimu , emma ret qilishqa uchrighan.

Hökümet yulung deryasi sayahetchilikini birlikke keltürüp bashqurush meqsitide sayahetchiler üchün shexsi mulazimet qiliwatqan qéyiqchilarning öz aldigha tijaret qilishini tosighan we bu xil deryada qéyiq arqiliq sayahet qilish türini bir sayahet shirkitige kötürige bergen. Yulung deryasida sayahet mulazimiti qiliwatqan ammini birlikke keltürüp bashquridighanliqini we ortaq ma'ash béridighanliqini bildürüp qéyiqchilarning tijaritini toxtatqan.

Amma menpe'et jehette barawersizlikke uchrighanliqidin narazi bolup ish tashlighan hem buning bilen yülung deryasi sayahetchilikimu ilgiriki awatliqini yoqatqan . Qéyiqchilarning piristanimu hökümet teripidin buziwitilgen. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.