Gu'angshi ölkiside yüz bergen pilanliq tughutqa qarshi topilang téxi tinjimidi

2007-05-24
Élxet
Pikir
Share
Print

Xitayning gu'angshi ölkisi bobey nahiyiside yüz bergen hökümetke naraziliq bildürüsh herikiti dawamlashmaqta . Istansimizning igilishiche, charshenbe küni bobey nahiyisi shaxé yéziliq hökümiti 3 minggha yéqin yéza ahalisi teripidin qorshiwélin'ghan.

Xewerlerge qarighanda, bu qétimqi weqede toqunush yüz bermigen, emma oxshash waqitta bobeydin 100 kilométir yiraqliqtiki rung shen zilang yézisida saqchilar bilen amma otturisida qattiq toqunush meydan'gha kelgen hemde 10 nechche adem éghir derijide yarilan'ghan.

Bobey nahiyiside yüz bergen qalaymiqanchiliq shuningdek hökümetning éghir jerimane jazasi tüpeyli, xitay déhqanliri tagh ichige yoshurunush üchün, muhim bisatlirini élip qachmaqta iken. Shuyming yézisidiki 200 ahalining 100din köpreki alliqachan bashqa jaylargha qéchip ketken.

Déhqanlar yene, her bir yézidin wekil chiqirip, 20 din artuq kishini béyjing hökümiti bilen körüshüsh üchün yolgha salghan.

Xitay axbarat wastiliri topilang yüz bérip bir heptigiche bu heqte héchqandaq uchur élan qilmighan bolup, shinxu'a agéntliqi nöwette 28 kishining saqchilar teripidin tutup turuluwatqanliqini ashkarilidi. Biraq istansimizgha téléfun urghan déhqanlar , saqchilarning peqet shuyming we yung'en yéziliridin az dégende 300 ge yéqin ademni tutup ketkenlikini, charshenbe küni yene 100 ge yéqin ademning qolgha élinip qoyup bérilmigenlikini inkas qildi.(Eqide)

Pikirler (0)
Share
Toluq bet