Gu'angshida pilanliq tughut toqunushi peyda qilghan emeldarlarni sotlash üchün adwokatlar heqsiz mulazimetke teyyar

2007-05-30
Élxet
Pikir
Share
Print

Shinxu'a agéntliqining bayan qilishiche, gu'angshi ju'angzu aptonom rayonidiki yülin shehirining bobey nahiyiside, hökümetning pilanliq tughut siyasitige narazi bolghan kent puqraliri 5 ‏- ayning 17 ‏- künidin 20 ‏- künigiche, bir nechche kentte birla waqitta zorawanliq heriket qozghap, keng kölemlik qalaymiqanchiliq peyda qilip, saqchilar bilen toqunushqan.

Bashqilar bilen alaqe baghlap heriket qozghighan 28 kishini saqchilar qolgha alghan. Emma kent puqralirining b b s muxbirigha éytishiche, xitay hökümitining saqchiliri kentlerge kélip, hökümetke telep qoyghanliki ademge zerbe bergen, tutalighanni tutqan, ularning toralghulirini chéqip mülkini bulighan.

Radi'omizning igilishiche, gu'angshida yüz bergen pilanliq tughut toqunushi hazirmu dawam qiliwatidu. 5 ‏- Ayning 29 ‏- küni, rungshen nahiyisining yangméy kentide yene birnechche yüz kent puqrasi toplinip kélip pilanliq tughut ishxanisini qorshiwalghan.

Ular hökümettin pilanliq tughut sewebidin xelqqe qoyghan jerimanini qayturushni telep qilghan. Béyjingdiki xen yisün qatarliq adwokatlar gu'angshida pilanliq tughut toqunushi peyda qilghan emeldarlarni sotlash üchün heqsiz mulazimetke teyyar ikenlikini jakarlighan. (Weli)

Pikirler (0)
Share
Toluq bet