Xitay déhqanlar "pilanliq tughut siyasiti"ge qarshi yene namayish qildi


2007.05.31

31 - May gu'angshi ölkisi yünlin shehiri tewesidiki yene bir yézida, yüzligen xitay déhqanlar "pilanliq tughut siyasiti"ge qarshi namayish élip bardi.

Xitay axbarat wasitilirining melumatigha qarighanda, bu gu'angshi ölkiside bu ayning béshida pilanliq tughut siyasitige qarishi yüz bergen bir qatar naraziliq namayishlirining bir qismi bolup, namayishchilar hökümet mashinilirigha ot qoyghan.

Gu'angshi ölkisining gherbiy jenubigha jaylashqan yangwéy yézisi yünlin shehirining rung shiyen nahiyisige qaraydu.

Bu yézida yüz bergen namayish jeryanida, nurghunlighan déhqanlar yéziliq pilanliq tughut ishxanisining aldigha yighilip, birdin oshuq bala alding dep yighiwélin'ghan jerimane pullarni qayturushni telep qilghan.

Nam ‏- sheripini ashkarilashni xalimighan bir emeldar: " ular ishxanigha bésip kirdi, ishkaplarni urup chaqti we hökümet mashinisigha ot qoyuwetti" dédi.

Mushu ayning 17 -, 20 - künliri gu'angshi ölkisining bobey nahiyiside minglighan amma xitayning pilanliq tughut siyasitige qarshi namayish qilip, hökümet binasigha bésip kirgen, mashinilarni köydürgen we saqchilar bilen toqunushqan idi.

Bu qétimliq namayishta, yette adem namayishqa yétekchilik qilghan dep qolgha élin'ghan. (Jüme)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.