Gomindang rehbirining béyjingdiki ziyariti teywende hakimiyet béshidiki partiyining tenqidige uchridi


2005-04-01
Share

Xitay chong quruqluqidiki besh künlük ziyaritini axirlashturup, jüme küni teywen'ge qaytqan gomindang partiyisining mu'awin re'isi jang binkunning xitay chong quruluqidiki ziyariti, teywen prézidénti chén shüybyenlerning tenqidige üchridi.

Chén shüybyen jüme küni gomindang wekilining teywen'ge wekillik qilalmaydighanliqini ilgiri sürgen. U, " teywenning öz döliti bar, öz hökümiti bar. Bashqilar bilen söhbet élip barghanda jiddi we sezgür mesililerde aldi bilen hökümetning yol qoyushini yaki ruxsitini élish kérek," dep körsetti. Gomindangning mu'awin re'isi jang binkun besh künning aldida xitay chong quruqluqini ziyaret qilip, xitay kompartiyisidiki jya chinglin, tang jyashu'en qatarliq yuqiri derijilik emeldarlar bilen söhbet élip barghan.

Gomindang partiyisining mu'awin re'isi jang binkun, xitay dölet kabinti teywen ishxanisining mudiri chén yünlin bilen, ikki qirghaq munasiwiti boyiche 10 nuqtiliq ortaq tonush hasil qilghan. Xitay siyasi meslihet kéngishining re'isi jya chinglin gomindang partiyisining re'isi lyen jenni xitaygha teklip qilghan.

Teywenning mu'awin prézidénti lü shyulyen, gomindangni " teywen xelqighe yüz kélelmeydu," dep eyiplidi. U, gomindangning ilgiriki " kompartiyige qarshi turidighan" partiyini " kompartiyeperes" partiyige éghip ketkenlikini ilgiri sürgen. Chén shüybyen, "hakimiyet sirtidiki partiyining hökümet bilen ortaq tonushi bolmisa, gomindang - kompartiye hemkarliqining ehmiyiti néme?" dep so'al qoyghan. Teywen chong quruluq komitétitimu jüme küni jang binkunning ziyaritini aghmichiliq bilen eyibligen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet