Teywendiki gomindang partiyisining rehbiri lyen jen xu jintaw bilen uchrishidu


2005-04-19
Share

Teywendiki gomindang partiyisining bash katipi lin fingjing, béyjingda gomindang re'isi lyen jenning chong quruqluq ziyaritini orunlashturmaqtiken. Lyen jenning béyjingdiki ziyaret küntertipi charshenbe küni élan qilinidu.

Bezi metbu'atlarning ashkarilishiche, xitay dölet re'isi xu jintaw lyen jen bilen 29 - aprilda uchrushidiken. Lin fingjing, seyshenbe kün'ge qeder béyjingda xitay dölet kabintining teywen ishlar ishxanisi mudiri chin yünlin bilen, lyen jenning ziyaret küntertipini orunlashturghan. Lyen jen xitaydiki sepiride nenjing, béyjing, shi'en we shangxey qatarliq jaylarni ziyaret qilidu. U, xu jintaw bilen uchrishish bilen birge béyjing uniwérsitétida nutuq sözleydiken.

Lin fingjing, lyen jenning ziyaret jeryanida kompartiye bilen kélishim imzalash yaki imzalimaydighanliqini ashkarilimidi. Emma teywende hakimiyet béshidiki démokratiye tereqqiyat partiyisi, seyshenbe küni "teywendiki her qandaq bir siyasi partiyining bir jonggo prinsipini qobul qilish sherti astida chong quruqluqni ziyaret qilishigha" shundaqla " hökümetning ruxsitisiz béyjing terep bilen teywenning igilik hoquqigha yatidighan mesililer boyiche söhbet élip bérishigha qarshi turidighanliqini" jakarlidi.

Teywen ittipaqining parlaméntidiki partiye guruppisi, teywenning sabiq prézidént we mu'awin prézidéntlirini öz ichige alghan yuqiri derijilik emeldarlarning xitay chong quruqluqini ruxsetsiz ziyaret qilishini cheklesh toghrisida qanun teklip layihisi bergen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet