"Töt kishilik guruh" ning biri jang chünchyaw ölgen

Xitay kompartiyisining sabiq re'isi maw zédongning ayali jang ching yitekchilikidiki " töt kishilik guruh" ning biri jang chünchyaw rak késili sewebidin ötken ayda ölgen. Bu xitayning hökümet zuwani shinxu'a axbarat agéntliqi jang chünchyawning ölümini tunji qétim tilgha élishi bolup hésablinidu.

Ilgiri bezi metbu'atlar jang chünchyawning 1991 - yili ölgenlikini xewer qilghan idi. Emma xitay hökümiti jang chünjyawning ölgenliki toghrisidiki xewerlerge hazirgha qeder inkas qayturmighan. Shinxu'a axbarat agéntliqining xewer qilishiche, jang chünchyaw 4 - ayning 21 - küni ölgen. Emma shinxu'a axbarat agéntliqi uning ölümini néme üchün emdi élan qilghanliqini chüshendürmigen.

Jang ching bashchiliqidiki "tötkishilik guruh" 1976 - yildiki siyasi özgirish bilen aghduruldi. Ular 80 - yillarning bashlirida ölüm jazasigha höküm qilinip, kéyin muddetsiz qamaq jazasigha özgertilgen. Jang ching 1991 -yili 5 - ayda öliwaldi. Wang xongwén 1992 - yili ölgen. Yaw wényü'en " töt kishilik guruh" ning ichidiki hazirgha qeder yashawatqan birdin bir kishi. U, 1996 - yili qoyup bérilgen. Jang chünchyawgha bérilgen ölüm jazasi 1983 - yili muddetsiz qamaq jazasigha özgertilgen, kéyin 18 yilgha qisqartilghan idi. (Erkin)