Хитай һөкүмити вейтнамниң йеңи авиатсийә пиланиға наразилиқ билдүрди

Хитай һөкүмити пәйшәнбә күни баянат елан қилип, вейтнам даирилириниң талаш - тартиштики сипратлий тақим арилиға һава йоли қатниши йолға қоймақчи болғанлиқиға наразилиқ билдүрди.

Буниң алдида, вейтнамниң муавин қатнаш министири тийән сәм (Tien Sam) бу йилниң ахириғичә сипартлий арилида кичик көләмдики айродромниң пүтүши билән мәзкүр дөләтниң сипратлийға учидиған айрупилан қатнишини йолға қоюши момкинликини билдүргән иди.

Хитай ташқи ишлар министирлики баянатида, " вейтнамниң талаш- тартиштики сипратлий тақим арилиға һава йоли қатнишини йолға қоюш пилани, қанунсиз һәмдә хитайниң игилик һоқоқиға дәхлий тәруз қилғанлиқ " дәп көрсәтти.

Хитай нефит вә тәбиий газ байлиқи мол дәп қаралған сипратлий тақим арилиниң игилик һоқоқини талишиватқан дөләтләрниң бири. Бирақ сипратлий тақим арилида аллиқачан вейтнамниң йәрлик һөкүмәт органлири вә һәрби әслиһәләрини қурулған. Икки дөләт мунасивити бу сәвәптин йирик болуп кәлмәктә иди. (Арзу)