Xitay, hindistan we rusiye tashqi ishlar ministirliqining yighini ötküzülidu
Xitay, rusiye we hindistan qatarliq döletler tashqi ishlar ministirliqining üch tereplimilik yighini, 2 - iyunda rusiyining yiraq sherq rayonidiki wladiwistok shehiride chaqirilidu.
Fransiye axbarat agéntliqi, yighinning asasi küntertipi énirgiye mesilisige merkezlishidighanliqini ilgiri sürdi. Közetküchilerning bildürüshiche, iqtisadi igiliki téz tereqqiy qiliwatqan hindistan bilen xitay, rusiyining sibiriye rayonidiki néfit we teb'iy gaz zapisigha érishishni ümid qilidiken. Rusiye hazirgha qeder néfit mehsulatining 80 ٪ ni yawropagha satidu. Hindistan, rusiye we xitay qatarliq üch dölet tashqi ishlar ministirliri ilgiri köp qétim söhbet ötküzgen bolsimu, emma bu söhbetler b d t da yaki rayon xaraktérlik yighinlar arliqida élip bérilghan.
Bu qétim üch tereplimilik söhbetning mexsus wladiwistokta chaqirilishi tereplerning diqqitini qozghimaqtiken. Hindistan, xitay we rusiye qatarliq üch döletning söhbet mixanizimi qurush teklipini 1990 - yillarda sabiq rusiye tashqi ishlar ministiri primakow otturigha qoyghan idi. Eyni chaghda u xitay, hindistan qatarliq döletler bilen birliship, amérikigha taqabil turushni pilanlighan. Yuqiriqi üch dölet bu qétimqi yighin arqiliq xelq'ara tesirini mustehkmleshni oylisimu, emma közetküchiler, yuqiriqi üch dölet otturisidiki ixtilaplar we riqabet, ular arisidiki hemkarliq rohidin chongqur, dep körsetmekte. Xitay tashqi ishlar ministirliqining bayanatchisi kong chü'en yighinni intayin muhim uchrushush, dep eskertti. (Erkin)
Munasiwetlik maqalilar
- Xitay hökümiti "térrorchiliqqa qarshi küresh" te özbékistan bilen bir septe ikenlikini bildürdi
- Xitay bilen hindistan rehberliri yéngi déhlida bir qatar kélishimlerge qol qoydi
- Xitayning bash minisitiri wén jyabaw, hindistandiki 4 künlük ziyaritini bashlidi
- Wén jyabaw, jenubiy asiyadiki ziyaritide dalay lama we chégra mesilisini muzakire qilidu
- Xitay, yéngi qirghizistan hökümitining dawamliq "térrorchi" largha zerbe bérishte hemkarlishishini ümid qilidu
- Gülistan eziz: “Ikkinchi wetinim-yaponiyeni xitay tehtididin agahlandurush we qoghdash méning burchum”
- D u q pütün dunyadiki Uyghurlarni “5-Iyul ürümchi qirghinchiliqi” ning 13 yilliqini xatirileshke chaqirdi
- Türkiye bilen qazaqistanning b d t kishilik hoquq aliy kéngishining 50-qétimliq yighinida Uyghur mesilisini tilgha élishi némidin bisharet béridu?
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
