Хитай дөләт мудапиә министири таҗикистан қатарлиқ оттура асия әллиридики зияритини башлиди


2005.09.13
Share on WhatsApp
Share on WhatsApp

Хитай дөләт мудапиә министири сав гуаңчүән, пәйшәнбә күни таҗикистан вә қазақистан қатарлиқ дөләтләрдә елип баридиған зияритини башлиди.

Хитай, уйғур аптоном райониға хошна бу дөләтләрдә америкиниң тәсир күчи кеңийип кетишидин әнсиримәктә иди. Хитайниң һөкүмәт зувани шинхуа ахбарат агентлиқи, сав гуаңчүәнниң зияритини таҗикистан вә қазақистан дөләт мудапиә министирлиқиниң тәклипи бойичә елип берилған “һал сораш зиярити,” дәп көрсәтти.

Таҗикистан билән қазақистан шаңхәй һәмкарлиқ тәшкилатиға әза дөләтләр болуп, шаңхәй һәмкарлиқ тәшкилатидики дөләтләр йеқинда америкидин өзбекистан билән қирғизистандики қошунлирини елип чиқип кетишкә чақирған.

Сав гуаңчүән таҗикистанға келиштин илгири өткән һәптә москвада русийә билән IL – 76 бәлгилик транспорт айропилани вә IL – 78 бәлгилик май қачилаш айропилани сетивелиш тохтими түзди. Буниң алдида икки дөләт бу йил 8 - айда сәндоңда һәрбий маневир өткүзгән.

Бирләшмә ахбарат агентлиқиниң илгири сүрүшичә, русийә вә оттура асия әллири билән һәрбий мунасивәтләрни күчәйтиш, хитайниң америка, японийә вә уларниң асиядики иттипақдашлири тәрипидин қоршавға елиништин қорқуватқанлиқини көрситидикән.

Хитай бу йил 5 - айда өзбекистан президентиниң әнҗандики исянни бастуруш һәрикитини қоллиған. Әмма ғәрб әллири керимоф һөкүмитини әйиблигән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.