Xitay dölet mudapi'e ministiri tajikistan qatarliq ottura asiya elliridiki ziyaritini bashlidi


2005.09.13
Share on WhatsApp
Share on WhatsApp

Xitay dölet mudapi'e ministiri saw gu'angchü'en, peyshenbe küni tajikistan we qazaqistan qatarliq döletlerde élip baridighan ziyaritini bashlidi.

Xitay, Uyghur aptonom rayonigha xoshna bu döletlerde amérikining tesir küchi kéngiyip kétishidin ensirimekte idi. Xitayning hökümet zuwani shinxu'a axbarat agéntliqi, saw gu'angchü'enning ziyaritini tajikistan we qazaqistan dölet mudapi'e ministirliqining teklipi boyiche élip bérilghan “hal sorash ziyariti,” dep körsetti.

Tajikistan bilen qazaqistan shangxey hemkarliq teshkilatigha eza döletler bolup, shangxey hemkarliq teshkilatidiki döletler yéqinda amérikidin özbékistan bilen qirghizistandiki qoshunlirini élip chiqip kétishke chaqirghan.

Saw gu'angchü'en tajikistan'gha kélishtin ilgiri ötken hepte moskwada rusiye bilen IL – 76 belgilik transport ayropilani we IL – 78 belgilik may qachilash ayropilani sétiwélish toxtimi tüzdi. Buning aldida ikki dölet bu yil 8 - ayda sendongda herbiy manéwir ötküzgen.

Birleshme axbarat agéntliqining ilgiri sürüshiche, rusiye we ottura asiya elliri bilen herbiy munasiwetlerni kücheytish, xitayning amérika, yaponiye we ularning asiyadiki ittipaqdashliri teripidin qorshawgha élinishtin qorquwatqanliqini körsitidiken.

Xitay bu yil 5 - ayda özbékistan prézidéntining enjandiki isyanni basturush herikitini qollighan. Emma gherb elliri kérimof hökümitini eyibligen idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.