Putin bilen wén jyabaw ikki terep munasiwitini kücheytish mesliside söhbetleshti


2005.10.26
Share on WhatsApp
Share on WhatsApp

Shangxey hemkarliq teshkilatining bash ministirlar yighini mezgilide, rusiye prézidénti wiladimir putin xitay bash ministiri wén jyabaw bilen moskwada uchriship, ikki dölet munasiwitini kücheytish mesiliside söhbetleshti.

Amérika birleshme agéntliqining melum qilishiche, ikki terep rehberliri söhbet jeryanida yene, ikki dölet otturisidiki bu yilliq soda sommisining ular pilanlighan 28 milyard amérika dollardinmu köp bolushini ümid qilidighanliqini bildürdi.

Charshenbe we peyshenbe ikki kün dawam qilghan mezkur yighin'gha, shangxey hemkarliq teshkilatigha eza rusiye, xitay, qazaqistan, qirghizistan, tajikistan we özbékistan qatarliq 6 döletning bash ministirliri qatnashqan bolup, buninggha yene, pakistan, iran, hindistan we monggholiye wekillirimu közetküchi salahiyiti bilen qatnashqan.

Bu yighinda bixeterlik mesilisi yenila muzakire qilinidighan muhim téma bolidiken. En'gliye b b s radi'o téléwiziye shirkiti xewiride, özbékistan we qirghizistanda yéqinqi bir nechche ay ichide yüz bergen öktichi pa'aliyetlerning, xitay we rusiyini endishige salghanliqini, chünki xitay hökümiti Uyghurlarning musteqilliq küchidin ensirise, rusiyining chéchenlerdin endishe qilidighanliqini yazghan.

Shangxey hemkarliq teshkilati ottura asiyada amérikining küchige taqabil turidighan küch bolushni xalaydu. Bu yil 7 - ayda shangxey hemkarliq teshkilati hetta, amérikining özbékistan we qirghizistandiki herbiy bazisini chékindürüp chiqip kétishni telep qilghan idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.