Shangxey hemkarliq teshkilatining bashliqlar yighini charshenbe küni bashlinidu

Béyjing hökümiti shangxey hemkarliq teshkilatining bashliqlar yighini ötküzülidighan méhmanxanining etrapigha nechche yüz kishilik saqchi qisimlirini orunlashturdi we yighin échilidighan rayonda chong yolgha qaraydighan qewetlik binalarning dérizilirini pütünley taqidi.

Xewerlerge qarighanda, shangxeyning lujyazi soda rayonidiki chong yollar, yer asti poyiz we tonillarda qatnash toxtaydiken. Mektep we hökümet organlirini yighin axirlashqiche taqash telep qilin'ghan.

Yighin'gha iran prézidénti maxmud exmedinijad ishtirak qilidu. Xitay yighinda iran yadro mesilisining muzakire qilinmaydighanliqini bildürmekte. Shangxey hemkarliq teshkilatining bash sékritari jang dégu'ang béyjingda muxbirlargha iranni ima qilip, "eger biz ularning térrorluqni qollighanliqigha ishen'gen bolsaq yighin'gha teklip qilmighan bolattuq" deydu.

Shangxey hemkarliq teshkilatining nizamnamisida "yéngi xelq'ara siyasiy we iqtisadiy tertip" berpa qilish pikri otturigha qoyulghan. Kambirij uniwérisitétining proféssori deywid xollning eskertishiche, "shangxey hemkarliq teshkilati kéngeyse, dunyaning eng zor néfit, teb'iy gaz we yadro küch parchisini kontrol qilidighan organ'gha aylinishi mumkin" .

Amérika bixeterlik siyasiti merkizi, men'gis yérim shar bixeterlik programmisining diréktori kristofir browén, shangxey hemkarliq teshkilatini "amérika ilgiri yoluqup baqmighan nahayiti xeterlik teshkilat" dep atidi. Xitay shangxey hemkarliq teshkilatini NATO gha oxshash herbiy teshkilat emes, dep jakarlighan bolsimu, lékin shangxey hemkarliq teshkilati qurulghandin béri tunji qétim 2003 - yili Uyghur aptonom rayonida herbiy maniwér élip barghandin tartip hazirghiche bir qanche qétim herbiy maniwér uyushturghan. (Erkin)