Xitay hökümiti yapuniyige tehdid élip kelmeydighanliqini bildürdi


2004.09.16

Xitay hökümiti özining yapuniyige herbiy tehdid élip kelmeydighanliqini bildürüp, yapuniyining bu heqtiki doklatigha reddiye berdi.

"Yapuniye iqtisat xewiri" géziti charshenbe küni,yapuniye bash ministiri meslihetchiler komititining bu ayning axiri yapuniye bash ministirigha sunidighan dölet mudapi'e doklatida xitayni yapuniyige herbiy tehdid dep kirgüzish heqqide teklip bergenlikini xewer qilghan idi.

Xitay tashqi ishlar ministirlikining bayanatchisi kung chüen peyshenbe küni bayanatida, xitayning her qachan yapuniye bilen bolghan xoshnidarchiliq munasiwitige ziyan élip kelmeydighanliqini bildürdi. Biraq bir qisim analizchilarning qarishiche, xitayning herbiy rasxotining téz ishishi yapuniye da'irilirining hoshyarliqini östürgen.

Xitay hökümiti yapuniyining menpe'etige ziyan yetküzmeydighanliqini bildürgen bir waqittayene, pütün xitay miqyasidiki her qaysi chong sheherlerde yapuniyining xitaygha tajawuz qilghanliqining 73 yilliqini xatirilesh pa'aliyetliri ötküzüshke teyyarliq körmekte. Amérika birleshme axbarat agéntliqining xewirige qarighanda,bu xitaydiki milletchilik we yapuniyige qarshi keypiyatlarning küchiyiwatqanliqining eng yéngi bir ipadisi iken. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.