Teywen dölet mudapi'e ministirliki xitayni nishanlighan herbiy xirajet doklatini élan qildi


2004-09-22
Share

Teywen dölet mudapi'e ministirliki charshenbe küni qanun palatasigha 5 yilliq herbiy qurulush doklatini sunup, teywen dölet mudapi'esining kelgüsidiki besh yilda 49 milyard 5 yüzming amérika dolliri herbiy xirajetke éhtiyajliq bolidighanliqini bildürdi.

Teywen merkizi axbarat agéntliqining xewer qilishiche, doklatta yene, 2012- yildin kéyin, xitayning uniwérsal dölet küchi téz sür'ette éship, béyjing hökümitining qoral küchi arqiliq teywen mesilisini hel qilishigha paydiliq bolidighanliqi, shu sewebtin teywen'ge hujum qilish éhtimalliqining téximu chong bolidighanliqi körsitilgen.

Buning bilen bir waqitta, teywen mu'awin prézidénti lü shyuliyen, teywenning nöwette xitaydin kélidighan künsayin éshiwatqan herbiy tehditke yüzliniwatqanliqini tekitlep, "eger bezi kishiler yene 'teywen herbiy qoral sétiwélishqa éhtiyajliq emes' deydiken, buning özi xam xiyal qilish yaki sülhiyleshkenlik" dep bildürdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet