Xitay herbiy küchini ashurushqa ehmiyet bermekte
2006.12.28
Xitay dölet re'isi hemde xitay xelq armiyisining bash qomandani xujintaw, herqachan herbiy küreshke teyyar turidighan küchlük bir déngiz armiyisi qurulushini telep qildi.
Xitay metbu'atining xewer qilishiche, xujintaw charshenbe küni xitay déngiz armiyisining yéghinigha qatnashqan kommunist partiyisi wekillirige, xitayning bir déngiz döliti ikenlikini shuning üchün déngiz armiyisini tereqqi qildurush kéreklikini bildürgen.
Xitay azadliq armiye gézitining bildürüshiche, xujintaw yéghindiki sözide": biz herbiy küreshke teyyarliq qilishimiz hemde qoralliq küchlirimizning öz wezipisini her qachan teltöküs orundiyalaydighanliqidin xatirjem bolushimiz kérek" dégen.
Xitay hökümitining déngiz armiyisining küchlendürüshi, xitay bilen amérika otturisida mewjut boliwatqan muhim ixtilaplarning béri bolup, amérika , xitayning déngiz armiyisini küchlendürüshi tüpeyli asiyadiki herbiy tengpungliqning buzulushidin bolupmu buning teywen'ge élip kélidighan tesiridin endishe qilmaqta.
Köpchilikke melum bolghandek, xitay hökümiti, eger teywen musteqilliqini élan qilsa, teywen'ge hujum qilidighanliqini tekitlimekte.
Lékin bezi herbiy mulahizichilerning éytishiche, xitayning déngiz armiysni küchlendürüshidiki asasliq meqisiti, énérgiye teminat yollirining bixeterlikini kapaletke ige qilishtin ibaret iken. (Eqide)
Munasiwetlik maqalilar
- Xitay herbiy xamchot mesiliside amérikini qopalliq bilen eyiblidi
- Xitay tehditlerge qarshi herbiy küchini téximu ashurush nezeziyisini kötürüp chiqti
- Xu jintaw générallarni östürdi
- Amérika hökümitining xitayning herbiy küchi heqqide hazirlighan doklati xitayning naraziliqini qozghidi
- Wén jyabaw xitayning herbiy sélinmidiki artishini aqlidi