Xitay herbiy xam chotini köpeytdighanliqini jakarlidi


2005.03.04

Xitay hökümiti, bu yilqi herbiy xam chotini ٪ 12 köpeytidighanliqini élan qildi. Béyjing da'iriliri, herbiy xam chotning asasliqi herbiy zamaniwilashturush shundaqla herbiylerning turmush parawanliqini yaxshilash üchün ishlitilidighanliqini, teywen'ge qaritilmighanliqini ilgiri sürmekte.

Xitay xelq qurultiyining bayanatchisi jang énju jüme küni bayanat élan qilip, xitayning bu yilqi dölet mudapi'e xam choti az kem 30 milyardqa köpiyidighanliqini jakarlidi. Biraq u xitayning dölet mudapi'e xam choti bashqa döletlerge sélishturghanda yenila az, dep tekitlidi. Jang énju herbiy xam chotning qoral - yaraqlarni zamaniwilashturush, telim - terbiye shundaqla pinsiyige chiqqan herbiylerning turmush parawanliqini yaxshilash üchün qollinidighanliqini bildürdi. Uning bildürüshiche, xitay hökümiti bu yil qoralliq qisimlardin 200 ming eskerni qisqartidiken.

Bu arida xitay dölet re'isi xu jintaw, teywendiki bölgünchi küchler shundaqla bölgünchilik heriketlerge qet'iy qarshi turidighanliqini bildürgen. Biraq, jang énju bu qétimqi qurultayda chiqirilidighan " döletni parchilashqa qarshi turush qanuni" ni, atalmish " urush seperwerlik buyruqi" yaki " teywen'ge qoral ishlitish qanuni" emes, dep aqlidi.

Teywen prézidénti chén shüybyen peyshenbe küni " xelq'ara jem'iyet xitay baziridin alidighan iqtisadi menpe'etni közlep, xitayning herbiy kéngiyeymichilikige küz yummasliqi kérek, dep agahlandurghan. Melumatlargha qarighanda, amérikining yilliq herbiy xam choti 400 milyard dollar, yaponiyining 47 milyard dollar etrapida iken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.