Hindistan bilen xitay herbiy hemkarliqlirini kücheytmekchi

Xitayda ziyarette boliwatqan hindistan armiyisining bash shitab bashliqi général n s wij charshenbe küni xitay dölet mudapi'e ministiri saw gu'angchu'en bilen körüshüp, ikki terep herbiy hemkarliqini téximu kücheytishke kélishken.

Amérika birleshme axbarat agéntliqining xewirige qarighanda, saw gu'angchu'en uchrishishtin kéyinki muxbirlarni kütüwélish yighinida, xitayning hindistan bilen dölet mudapi'e, bixeterlik we ikki terep otturisidiki herbiy munasiwetni téximu yuqiri bir baldaqqa kötürüshni xalaydighanliqini bildürgen.

Xitay hindistanning yadro riqabetchisi pakistan bilen munasiwiti qoyuq bolup, xitay hetta pakistanni qoral bilen teminleydighan asasliq dölet hésablinidu. Emma xitay da'iriliri hindistan bilen bolghan herbiy hemkarliqning xitay-pakistan munasiwetlirige tesir yetküzmeydighanliqini qayta eskertti.

Nurghun siyasiy analizchilar xitay bilen hindistan otturisidiki munasiwetning yaxshilinishqa qarap mangidighanliqini lékin bösüsh xaraktérlik chong özgirish yüz bermeydighanliqini bildürmekte. (Peride)