Hindistan xitay shirkitining mumbaydiki port yasash programmisigha qatnishishini ret qildi
2006.08.30
Hindistan da'iriliri bir xitay shirkitini mumbaydiki yük chüshürüsh portini yasash qurulushigha qatnishishqa yol qoymighan. Melum bolushiche, buninggha bixeterlik amilliri sewep bolghan iken.
Amérika birleshme agéntliqining bildürüshiche, hazir bu portni yasash qurulushini höddige élishni telep qiliwatqan 10 shirket bar bolup, buning arisida peqet xitay shirkitila bixeterlik tekshürüshidin ötmigen. Qalghan 9 shirketning arisida yaponiye we dübeydiki port yasash shirketliridin bashqa yene, teywen shirkitimu bar iken.
Hindistan da'iriliri xongkongdiki bu xitay shirkitining peqet mumbaydiki bu portni yasashqa qatnishishila cheklen'genlikini, bu qararning pütün hindistan tewesige qaritilmighanliqini eskertti. Xewer qilinishiche, bu portqa yéqin jayda hindistan déngiz armiye bazisi bar iken.
Hindistan teripidin cheklen'gen bu xitay shirkiti hazirghiche mezkur xewerni étirap qilmidi. Shundaqla hindistan'gha dawamliq meblegh sélishni xalaydighanliqini bildürdi.
Gerche 1962- yilidiki chégra urushida shekillen'gen soghaq munasiwetlerdin kéyin, yéqinqi yillardin buyan xitay-hindistan munasiwetliride bir qatar yaxshilinishlar körülgen bolsimu, lékin ular arisida yenila bir-birige qarita guman mewjut bolup turdi. (Peride)
Munasiwetlik maqalilar
- Xitay - hindistan chégrisidiki nadula tagh éghizida 40 nechche yildin buyan taqalghan chégra baziri échildi
- Xitay bilen hindistanning chégra söhbiti netijisiz axirlashti
- Amérika xitayning 4 chong sana'et shirkitining amérikidiki meblighini tonglatti
- Hindistan we xitay qedimiy yipek yolida qayta soda bashlash pilanini kéchiktürdi
- Xitay - hindistan chégra söhbiti " eng qiyin basquch" qa kirdi