Xitay , xongkongdiki dimokratik zatlarning shangxeyni ziyaret qilishini ret qildi

Xitay da'iriliri , xongkong parlaméntidiki dimokratik zatlarning biri bolghan lu jigwangning xitay chong quruqliqigha kirishini ret qildi .

Xitay chigra bashqurush da'iriliri , lu jigwangni shenbe küni shangxey aydurumidin qayturiwetken .Lu jigwang béyjing da'irilirige qarshi xongkongdiki öktichi siyasi partiye - dimokratlar partiyesining parlamént ezasi . Lu jigangning xongkonggha qaytip kelgendin kéyin bildürüshiche , xitay chigra bashqurush da'iriliri lu jigwanggha uning xitaygha kirishi cheklen'genlikini bildürüp , uning xitaygha kirishi paydisiz dep qaraydighanliqini bildürgen . Lu jigwang , xongkongdiki ijdima'i pa'aliyetchilerning xitay chong quruqliqidiki tekshürüsh pa'aliyitige qatnishish üchün mangghan idi .

Dimokratlar partiyesi weqedin kéyin bayanat élan qilip , xitay merkizi höküméti xongkong alaqilishish bashqarmisining ilgiri lu jigwang xitaygha barimen dise bolidu digenlikini élan qildi . Xongkongdiki parlamént saylimigha ikki hepte qaldi . Mutleq köpchilik küzetküchiler , xongkongliqlarning bu qétimqi saylamni xongkong dimokratiyesining küchini ölcheydighan sinaq dep qarawatqanliqi , béyijingning qollishidiki xongkong memuri rayon emeldari dong jiyenxwa üchünmu sinaq bolup qalidighanliqini ilgiri sürmekte . Xongkong ixtisadining yéqinqi yillardin béri arqigha chékinishi dong jiyenxwaning xelq ichidiki abroyigha tesir yetküzgen . Xongkongliqlar bu yil 7 - ayda nechche on ming kishilik namayish ötküzüp , merkizi hökümetning 2007 - yilghiche xongkongda omumi saylam élip barmaydighanliqini eyipligen idi . (Erkin)