Xongkongda 60 ming kishilik namayish ötküzüldi
2005.12.04
Xongkongda yekshenbe küni nechche on ming kishi kochigha chiqip tinch halda namayish ötküzüp, hökümettin démokratiyini kéngeytishni telep qildi.
Amérika birleshme agéntliqining xewirige qarighanda, namayishqa az dégende 60 minggha yéqin kishi qatnashqan bolup, ular lozunkilarni kötürüp, her xil shu'arlarni towlap, hökümettin xelqqe, xongkong rehberlirini we parlamént ezalirini biwaste saylap chiqish hoquqini bérishni telep qildi.
Gerche xongkongluqlar omumyüzlük démokratiyini emelge ashurushni telep qilip kelgen bolsimu, emma béyjing da'iriliri xongkong siyasiy islahat mesililiride xongkongluqlarning öz qararini chiqirishini xalimay keldi. Xitay 1997- yili xongkongning igidarchiliq hoquqini en'giliyidin qayturup alghan bolup, en'gliye mustemlike hökümdari bolush süpiti bilen, xongkongluqlarning démokratik saylam élip bérishigha yol qoymighan idi.
Buningdin ikki yil burunmu , xongkongda 50 ming kishilik démokratik namayish ötküzülüp, xitayning rehberlik qatlimida chong özgirish peyda qilghan. Hemde shu sewebtin xongkong alahide memuriy rayon hökümiti hakimiyetni aghdurushqa qarshi turush qanun layihisini qayturuwélishqa mejbur bolghan idi. (Peride)
Munasiwetlik maqalilar
- Béyjing bilen xongkong démokratliri arisida élip bérilghan söhbet netijisiz axirlashti
- Rayis: xongkongning siyasi teqdirini xongkongluqlar hel qilishi kérek
- Amérika tashqi ishlar ministirliqi xongkong parlaméntidiki démokratik küchlerning wekillirini kütüwaldi
- Amérika parlaméntining rehberliri xongkongdiki siyasiy islahattin ümidsizlendi
- Senshida taksi shopurliri ish tashlidi