Xitay amérikini xongkong mesilisidin yiraq turushqa agahlandurdi

Amérika tashqi ishlar ministirliki düshenbe küni xongkongda démokratik saylam élip bérishke awaz qoshudighanliqini élan qilghandin kéyin, xitay tashqi ishlar ministirliqi seyshenbe küni amérikini xongkong mesilisidin yiraq turushqa agahlandurdi.

Yekshenbe küni xongkongda minglighan - on minglighan namayishchilar yighilish ötküzüp, omumi saylam waqit jedwili élan qilishni telep qilghan. Amérika tashqi ishlar ministirliqi bayanatchisi adam ereliy, amérika " xongkong puqraliri démokratiyige teyyar boldi, dep qaraydu shundaqla omumi saylam waqit jedwilini qanche téz élan qilsa, shunche yaxshi ikenlikige ishinidu," dep tekitligen.

Emma xitay tashqi ishlar ministirliqi bayanatchisi chin gang seyshenbe küni élan qilghan bayanatida, " xongkong mesilisi jonggoning ichki ishi," dep agahlandurdi. U, "amérika kapaliti bolmighan nurghun mesililerge ipade bildürdi. Bu muwapiq bolmighan we biz qarshi turidighan mesile," deydu.

Xongkong parlaméntidiki li juming qatarliq démokratik küchler yéqinda amérikini ziyaret qilip, kondiliza rayis bilen söhbet ötküzgen.

Birleshme axbarat agéntliqining eskertishiche, yekshenbe küni élip bérilghan namayish xongkong memuriy emeldari zéng yinchü'en hakimiyetni ötküzüwalghandin béri duch kelgen eng jiddi riqabet hésablinidiken. (Erkin)