Wén jyabaw xongkongluqlarni mesilini birlikte hel qilishqa chaqirdi


2005.12.28

Xitay bash ministiri wén jyabaw jungnenxeyde xongkong alahide memuriy rayon bashliqi zéng yingchüenning ziyaritini qobul qilghanda, xongkongda yenila chongqur yiltiz tartqan ixtilap we mesililerning mewjut ikenlikini, buni xongkongluqlarning birlikte hel qilishi kéreklikini bildürdi.

Zéng yingchüenning béyjingdiki bu ziyariti, u memuriy rayon bashliqliqigha teyinlen'gendin buyan xitaygha qilghan tunji sepiri. Wén jyabaw uning textke chiqqan yérim yildin buyanqi xongkongning iqtisadiy tereqqiyatigha qoshqan töhpilirini teriplesh bilen birge, xongkongda hel bolmighan mesililerning mewjutliqini eskertti. U yene, xongkong hökümiti we xelqining pütün küchi bilen iqtisadiy tereqqiyatni ilgiri sürüp, jem'iyet muqimliqini saqlashqa alahide ehmiyet bérishini telep qildi.

Xongkong parlaménti ötken charshenbe küni béyjing hökümiti qollighan siyasiy tüzülme islahat layihisini qobul qilmighan bolup, bu zéng yingchüen üchün bir chong sinaq we xijilchiliq boldi. Shunga uning bu qétim béyjinggha bérip, xizmitini doklat qilishi kishilerning déqqitini tartti.

Zéng yingchüen wén jyabawdin burun seyshenbe küni xitay dölet re'isi xu jintaw bilen körüshti hemde uning raziliqigha érishti. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.