Хоңкоң демократлар партийиси кишилик һоқуқ комитетиға доклат сунмақчи


2006.03.14
Share on WhatsApp
Share on WhatsApp

Хоңкоң демократлар партийиси б д т кишилик һоқуқ комитетиниң австирийә пайтәхти вианада башланған йиллиқ йиғиниға хоңкоң кишилик һоқуқ вәзийити һәққидә доклат сунмақчи. Б б с ниң хәвәр қилишичә, кишилик һоқуқ комитети 3 - айниң ахирилири б д т "пуқралар һоқуқи вә сиясий һоқуқ әһдинамиси" ниң хоңкоңда иҗра қилиниш әһвалини көздин кәчүриду.

Демократлар партийиси доклатида хоңкоң мәмурий даирилирини хоңкоң әдлийисиниң битәрәплики вә мәтбуат әркинлики қатарлиқ мәсилиләрдә тәнқид қилиши мүмкин. Хоңкоң демократлар партийиси сәйшәнбә күни елан қилған баянатида, хоңкоң даирилирини "хоңкоң хәлқиниң демократийә, пуқралиқ һоқуқи вә сиясий һоқуқини қоғдашқа болған арзу - үмидлирини йәрдә қойди " дәп әйиблигән.

Хитай баш министири вен җябав сәйшәнбә күни хитай хәлқ қурултийиниң йепилиш мурасимида сөзлигән нутуқида хоңкоң мәсилисини тилға елип, хоңкоң иқтисади вә хәлқ турмушини өзгәртиш, хоңкоң демократийисини илгири сүрүш хоңкоң түп қанунидики тәртипләр бойичә елип берилиши керәк, дәйду. Хитай хәлқ қурултийи алдинқи йили хоңкоң түп қануниға чүшәнчә берип, хоңкоңда 2007 вә 2008 - йиллири омуми сайлам елип беришни рәт қилған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.