Xongkong démokratlar partiyisi kishilik hoquq komitétigha doklat sunmaqchi

Xongkong démokratlar partiyisi b d t kishilik hoquq komitétining awstiriye paytexti wi'anada bashlan'ghan yilliq yighinigha xongkong kishilik hoquq weziyiti heqqide doklat sunmaqchi. B b s ning xewer qilishiche, kishilik hoquq komitéti 3 - ayning axiriliri b d t "puqralar hoquqi we siyasiy hoquq ehdinamisi" ning xongkongda ijra qilinish ehwalini közdin kechüridu.

Démokratlar partiyisi doklatida xongkong memuriy da'irilirini xongkong edliyisining biterepliki we metbu'at erkinliki qatarliq mesililerde tenqid qilishi mümkin. Xongkong démokratlar partiyisi seyshenbe küni élan qilghan bayanatida, xongkong da'irilirini "xongkong xelqining démokratiye, puqraliq hoquqi we siyasiy hoquqini qoghdashqa bolghan arzu - ümidlirini yerde qoydi " dep eyibligen.

Xitay bash ministiri wén jyabaw seyshenbe küni xitay xelq qurultiyining yépilish murasimida sözligen nutuqida xongkong mesilisini tilgha élip, xongkong iqtisadi we xelq turmushini özgertish, xongkong démokratiyisini ilgiri sürüsh xongkong tüp qanunidiki tertipler boyiche élip bérilishi kérek, deydu. Xitay xelq qurultiyi aldinqi yili xongkong tüp qanunigha chüshenche bérip, xongkongda 2007 we 2008 - yilliri omumi saylam élip bérishni ret qilghan. (Erkin)