Teywen xitayni xongkongda élip bérilidighan bashliq saylimigha yol qoyushqa chaqirdi

Birleshme agéntliqining teybidin bergen melumatigha qarighanda, teywendiki bir yuqiri derijilik dölet emeldari, xongkong choqum köp sanliq amma saylap chiqqan bashliqqa ige bolushi hem shuning bilen birge kommunisi xitayda démokratiyige yol échishi kérek dep bildürgen.

Teywen- xitay munasiwetliri kéngishining bash re'isi wu jawshyé shenbe "hazirgha kelgiche bu nöwetlik bashliq saylimida kishini ilhamlanduridighan ilgirileshler körülüwatidu, biz bu démokratiyini yaqlighuchi xelqning qet'iy qaytmas iradisige qayilmiz we ularni qollaymiz", dédi, u yene, xongkongdiki démokratiyining bir qepez ichidiki démokratiye ikenlikini, ularning yenila öz memurlirini erkin tallap chiqidighan alahide hoquqining yoqluqidin epsuslinidighanliqini bildürdi.

Xongkong 1997 ‏- yili xitaygha qayturulghandin kiyin, xitay terep "xongkonggha alahide aptonomiye hoquqi bérimiz" dep wede bergen we "bir dölette ikki xil tüzüm bolush" siyasitini belgilep chiqqan. Shuningdin étibaren, teywen xongkongning tereqqiyatigha yéqindin diqqet qilip kéliwatqan idi.

Wu jawshyé "eger xitay démokratiye muqerrer méngishqa tégishlik yol dep ishense, ijra qilishni tézraq öginishi we xongkongni choqum bir démokratiye tejiribixanisi dep bilishi kérek" dédi. (Jüme)