Xongkong memuri saylamdin burun démokratiyige yol achidighanliqi heqqide wede berdi
2007.03.23
Birleshme agéntliqining 23 - marttiki xewrige qarighanda, xongkongning bash memuri zing yingchü'en jüme küni, eger bu nöwet yene xongkonggha bash memur bolup saylansa, toluq démokratiyige hol salidighanliqi heqqide wede bergen. Köpinche ademlerning qarishiche zing yingchüenning mushu yekshenbe ötküzülidighan saylamda saylinip chiqishi mumkin iken.
10 Yil burun britaniye xongkongni xitaygha qayturup bergen. Bu saylam shuningdin kéyinki xongkongda élip bérilghan tunji saylam iken. Saylamda zeper quchquchi 800 kishidin terkip tapqan saylam komitéti ( saylam palatasi depmu atilidu) teripidin tallap chiqilidu.
Xewerdin melum bolushiche, bu saylam komitéti bekla xitayperes bolup, ularning yene béyjing terepning könglige yaqidighan zing yingchü'en'ge bilet tashlishi éniq iken. Bu nöwetlik saylamgha namzat bolup qatnashqan xongkongluq adwokat we qanunshunas lyang jyajyé zing yingchüenning birdin-bir reqibi iken.
Tenqidchilerning qarishiche, xongkong asiyadiki eng bay, muqim we yaxshi terbiye körgen jem'iyet bolushi supiti bilen toluq démokratiyige layiq iken. Yekshenbe küni az dégende 1800 dek xongkong ammisi bu nöwetlik saylamgha naraziliq bildürüp namayish qildi. (Jüme)
Munasiwetlik maqalilar
- Teywen xitayni xongkongda élip bérilidighan bashliq saylimigha yol qoyushqa chaqirdi
- Xongkongluqlar démokratiyini telep qilip namayish ötküzdi
- Xongkongda élip bériliwatqan saylam riqabiti xitay siyasitining ochuq-ashkara bolush chékini sinaydu
- Xu jintaw xong kongning 10 yilliqi murasimigha qatnashmaqchi
- Xongkong hökümiti hamildar ayallarning xitay chong quruqluqidin xongkonggha kélip yenggishini cheklidi