Хитай һөкүмити мәҗбурий көчүрүш сияситигә қарши чиққан икки кишини түрмигә ташлиди

Хитайниң җеҗияң өлкисидики бир сот мәһкимиси , хитай даирилириниң мәҗбурий көчүрүш сияситигә нарази болған икки кишини "қанунсиз намайиш тәшкилләш" җинайити билән әйибләп, түрмигә ташлиди.

Франсийә ахбарат агентлиқиниң йәкшәнбә күнидики хәвиригә қариғанда, җеҗияң өлкиси җинхуа шәһиригә қарашлиқ бир йезидики деһқан ву пинлу вә яң йүхәнләр 100 дәк кишини тәшкилләп, бу йил 3 - айда намайиш өткүзгән. Улар җинхуа шәһәрлик һөкүмәт бинасиниң алдида шоар товлап, лозункиларни есип, һөкүмәтниң уларни мәҗбурий көчүрүшигә қарши чиққан. Нәтиҗидә хитай һөкүмити намайишни тәшкиллигән мәзкүр икки кишини тутуп, техи йеқинда уларға бир йерим йиллиқ қамақ җазаси бәргән.

Хитай һөкүмити адәттә һөкүмәтниң сияситигә қарши өткүзүлгән һәр қандақ намайишни зораванлиқ билән бастуруп, намайишчиларни тутқун қилиду. (Арзу)