Xitay hökümiti mejburiy köchürüsh siyasitige qarshi chiqqan ikki kishini türmige tashlidi

Xitayning jéjiyang ölkisidiki bir sot mehkimisi , xitay da'irilirining mejburiy köchürüsh siyasitige narazi bolghan ikki kishini "qanunsiz namayish teshkillesh" jinayiti bilen eyiblep, türmige tashlidi.

Fransiye axbarat agéntliqining yekshenbe künidiki xewirige qarighanda, jéjiyang ölkisi jinxu'a shehirige qarashliq bir yézidiki déhqan wu pinlu we yang yüxenler 100 dek kishini teshkillep, bu yil 3 - ayda namayish ötküzgen. Ular jinxu'a sheherlik hökümet binasining aldida sho'ar towlap, lozunkilarni ésip, hökümetning ularni mejburiy köchürüshige qarshi chiqqan. Netijide xitay hökümiti namayishni teshkilligen mezkür ikki kishini tutup, téxi yéqinda ulargha bir yérim yilliq qamaq jazasi bergen.

Xitay hökümiti adette hökümetning siyasitige qarshi ötküzülgen her qandaq namayishni zorawanliq bilen basturup, namayishchilarni tutqun qilidu. (Arzu)