Xitay da'iriliri öktichiler we yuqirigha erz qilghuchilargha qaratqan basturushini kücheytti

Xitay kompartiyisi -16 nöwetlik -4 omumiy yighini chaqirilish harpisida, öktichi we yuqirigha erz sun'ghuchilargha qaratqan basturushini téximu kücheytken.

Fransiye axbarat agéntliqining charshenbe küni bergen xewirige qarighanda, béyjing sheherlik saqchi da'iriliri hazirghiche béyjinggha erz sunushqa kelgen nechche ming kishini tutqun qilghan.

Nurghun pa'aliyetchiler hazir, xitay hökümitining öktichilerni tutqun qilish we ularni wehshiylerche qiyin- qistaqqa élishining héchqachan körülüp baqmighan derijide wehshiyleshkenlikini bildürmekte.

Xénendin béyjinggha erz sun'ghili kelgen bir kishi fransiye axbarat agéntliqigha, "eger hökümet arqida qollap bermigen bolsa, saqchilar bundaq qiynashqa qandaqmu jür'et qilalaytti" dep bildürgen.

Xéylongjiyangdin kelgen yene bir kishi agéntliqqa, nöwette weziyetning heqiqeten nachar ikenlikini bildürüp, eger özi yighindin burun qolgha élinip ketmisila, yighin mezgilide tyen'enmén meydani aldida namayish ötküzüshni pilanlawatqanliqini éytqan.

Nyo-yorktiki "xitay kishilik hoquq" teshkilati, xitay da'iririlirining -9 aydin buyan yoqurigha erz sunushqa kelgen 36 ming kishini qolgha élip bolghanliqini ashkarilighan idi. (Peride)