Xitayda amanliq saqlighuchi xadimlar 30 kishini urup yarilandurdi

Xitayning gu'angju shehirige qarashliq xébiyen kentide, bir baghchining amanliq saqlighuchi xadimliri, ular bilen éytiship qalghan nechche onlighan kishige qolliridiki pichaq we tok kaltekler bilen hujum qildi. Hazir yarilan'ghan 30 kishi doxturxanida dawalanmaqta.

Fransiye axbarat agéntliqining charshenbe küni bergen xewirige qarighanda, bu baghchidiki amanliq saqlighuchi xadimlar bir bashlan'ghuch mektep oqughuchisini xeqlerning pulini oghrilimaqchi bolghan dep guman qilip qattiq urghan. Hemde bu balining öyidin 3 kishi baghchigha bu ishni sürüshte qilghili kelginide, amanliq saqlighuchi xadimlar ularghimu hujum qilghan.

Ghezeplen'gen kent ahalisi intiqam élish üchün bu yerge basturup kélip, amanliq saqlighuchi xadimlar bilen tutushqan. Hemde 30 nechche kishi amanliq saqlighuchi xadimlar teripidin urup yarilandurulghan. Bu toqunush 200din oshuq saqchi qoshuni yétip kelgendin kéyinla toxtighan. Yerlik saqchi da'iriliri mezkur axbarat agéntliqigha bu heqte bir néme déyishni ret qildi. (Peride)