Bu yil xitayda birnechche emeldar almashturulghan

Fransiye agéntliqining béyjingdin bergen xewirige qarighanda, bu yil xitayda échilghan ikki qurultaydin kiyin, xitayda bir nechche ölke partkomlirining sékritarliri almashturulghan. Li jiyanggo shendung ölkisi partkomning sékrétari bolup teyinlinip, hazir wezipidiki jang gawlining ornigha dessitilgen. Jang gawli shimaldiki port shehiri tyenjin'ge sékrétar bolup yötkelgen.

Chyang wey chinxey ölkisi partkomining sékrétari bolup teyinlinip, jawléjining ornigha dessitilgen. Jawléji shenshige yötkelgen. Xewerdin melum bolushiche, 68 milyon ezagha ige xitay kommunistik partiyisi, mushu küzde 17-nöwetlik qurultiyini achidiken. Her besh yilda bir échilidighan bu yighinda, kériki qalmighan partiye rehberliri shallinip xitay kommunistik partiyisining téximu sadiq kishiliri tallinip seplinidiken.

Bu yil 53 yashqa kirgen shi jinping shangxeyning sékrétari bolup teyinlinip, ötken yili séntebirde shangxeyde eng chong chiriklik délosigha chétishliqi bar dep eyiblinip qolgha élin'ghan chén lyangyuning ornigha dessitilgen.

Lékin 1992 ‏- yilidin béri, Uyghur élide xitay kommunistik partiyisining sékritarliq wezipisini ötep kéliwatqan wang léchüen Uyghurlarni basturush bilen dangdar. U 1997 ‏- ghulja weqesini qanliq basturushta netijisi alahide bolghanliqi üchün 2002 ‏- yili xitay merkizi siyasiy byurosining ezaliqigha östürülgen. Radi'omiz bergen melumatlargha qarighanda, gerche u parixorluq dilosigha chétilip qalghan bolsimu, lékin hazirghiche héch yerge yotkelmigen. (Weli)