خۇ جىنتاۋ بىلەن بۇش نيۇ - يوركتا ئۇچرىشىدۇ


2005-09-06
Share

خىتاي دۆلەت رەئىسى خۇ جىنتاۋ بىلەن ئامېرىكا پرېزىدېنتى جورجى بۇش، ب د ت باشلىقلار يىغىنى جەريانىدا نيۇ يوركتا ئۇچرىشىدۇ.

خىتاي تاشقى ئىشلار مىنىستىرلىكى سەيشەنبە كۈنى ئاشكارىلىشىچە، خۇ جىنتاۋنىڭ 6 - سېنتەبىر كۈنى ئامېرىكىغا قىلىدىغان رەسمى زىيارىتى تۇيۇقسىز بىكار قىلىنغاندىن كېيىن، ئىككى دۆلەت رەھبىرى نيۇ يوكرتا ئۇچرىشىشقا ماقۇل بولغان.

خىتاي تاشقى ئىشلار مىنىستىرلىقىنىڭ باياناتچىسى چىن گاڭ سەيشەنبە كۈنى تەكىتلىشىچە، خۇ جىنتاۋ بىلەن بۇش خىتاي - ئامېرىكا مۇناسىۋەتلىرى، ئىككى تەرەپ ئورتاق كۆڭۈل بۆلىدىغان خەلقئارا ۋە رايون خاراكتېرلىك مەسىلىلەر ئۈستىدە سۆزلىشىدىكەن.

ئەسلىدىكى پىلان بويىچە خۇ جىنتاۋنىڭ ئامېرىكىغا قىلىدىغان زىيارىتى 6 - سېنتەبىر كۈنى باشلىنىپ، 7 - سېنتەبىردە پرېزىدېنت بۇش بىلەن ئاق سارايدا ئۇچراشماقچى ئىدى. ئەمما ئۇلار ئۆتكەن شەنبە كۈنى تېلېفوندا سۆزلەشكەندىن كېيىن خۇ جىنتاۋنىڭ زىيارىتى بىكار قىلىندى.

تەرەپلەر زىيارەتنىڭ بىكار قىلىنىشىغا ئامېرىكىدىكى قۇيۇن ئاپىتىنى سەۋەپ قىلىپ كۆرسەتكەن بولسىمۇ، ئەمما ۋەزىيەتتىن خەۋەردار ئەرباپلار، تەرەپلەر زىيارەتنىڭ خاراكتېرى توغرىسىدا كېلىشەلمىگەنلىكىنى بىلدۈرمەكتە.

ئىگىللىشىمىزچە خىتايلار خۇ جىنتاۋنىڭ سەپىرىنى خىزمەت زىيارىتى ئەمەس دۆلەت زىيارىتى قاتارىدا مۇئامىلە قىلىشنى تەلەپ قىلغان. ئانالىزچىلار، خىتاي بىلەن ئامېرىكىنىڭ شىمالىي كورىيىنى يادروسىزلاشتۇرۇش مەسىلىسىدىن باشقا سودا، تېررورىزم، ئېنېرگىيە، قىرغىنچىلىق خاراكتېرلىك قوراللار، كىشىلىك ھوقۇق، تەيۋەن مەسىلىسى قاتارلىق بارلىق مەسىلىلىئەردە ئىختىلاپى بارلىقىنى بىلدۈرمەكتە. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت