Xu jintaw bilen bush nyu - yorkta uchrishidu

Xitay dölet re'isi xu jintaw bilen amérika prézidénti jorji bush, b d t bashliqlar yighini jeryanida nyu yorkta uchrishidu.

Xitay tashqi ishlar ministirliki seyshenbe küni ashkarilishiche, xu jintawning 6 - séntebir küni amérikigha qilidighan resmi ziyariti tuyuqsiz bikar qilin'ghandin kéyin, ikki dölet rehbiri nyu yokrta uchrishishqa maqul bolghan.

Xitay tashqi ishlar ministirliqining bayanatchisi chin gang seyshenbe küni tekitlishiche, xu jintaw bilen bush xitay - amérika munasiwetliri, ikki terep ortaq köngül bölidighan xelq'ara we rayon xaraktérlik mesililer üstide sözlishidiken.

Eslidiki pilan boyiche xu jintawning amérikigha qilidighan ziyariti 6 - séntebir küni bashlinip, 7 - séntebirde prézidént bush bilen aq sarayda uchrashmaqchi idi. Emma ular ötken shenbe küni téléfonda sözleshkendin kéyin xu jintawning ziyariti bikar qilindi.

Terepler ziyaretning bikar qilinishigha amérikidiki quyun apitini sewep qilip körsetken bolsimu, emma weziyettin xewerdar erbaplar, terepler ziyaretning xaraktéri toghrisida kélishelmigenlikini bildürmekte.

Igillishimizche xitaylar xu jintawning sepirini xizmet ziyariti emes dölet ziyariti qatarida mu'amile qilishni telep qilghan. Analizchilar, xitay bilen amérikining shimaliy koriyini yadrosizlashturush mesilisidin bashqa soda, térrorizm, énérgiye, qirghinchiliq xaraktérlik qorallar, kishilik hoquq, teywen mesilisi qatarliq barliq mesilili'erde ixtilapi barliqini bildürmekte. (Erkin)