Ху җинтав билән гоминдаң рәиси лйән җән " тарихий харәктирлик учришиш" елип барди


2005-04-29
Share

Хитай дөләт рәиси ху җинтав билән билән тәйвәндики әң чоң өктичи партийә гоминдаңниң рәиси лйән җән, җүмә күни бейҗиңда " тарихий учришиш" ни әмәлгә ашурди. Ху җинтав билән җоңнәнхәйдә учрашқан лйән җәнниң зиярити, бейҗиң билән тәйвән оттурисидики мустәқиллиқини мәркәз қилған талаш тартиш җиддиләшкән мәзгилдә елип берилди. Улар җүмә күни бейҗиңда қошма ахбарат елан қилип, тәйвән мустәқиллиқиға қарши туридиғанлиқини җакарлиди. Гоминдаң - компартийә қошма ахбаратида, " икки партийә тәйвән мустәқиллиқиға қарши турушни икки партийиниң ортақ нишани, дәп қарайду," дәп тәкитлигән.

Тиркишиш вәзийитигә хатимә бериш, тинчлиқ келишими имзалаш йолидики сөһбәтни алға сүрүшкә қошулидиғанлиқини тәкитлигән икки партийә қошма ахбаратида, тәйвәнниң хәлқара паалийәтләргә қатнишиш йолидики болупму дуня сәһийә тәшкилатиға қатнишиш йолидики арзусиға ярдәмчи болушни оттуриға қойди.

Ху җинтав, лйән җән билән өткүзгән сөһбитини " тарихий учришиш" дәп тәриплигән. Лйән җән, " бир җоңгода һәр қайси тәрәпләр өзигә вәкиллик қилиш" принсипи бойичә ортақ келәчәк қурушни тәшәббус қилди. Әмма шу күни тәйвән президенти чен шүйбйән японийилик меһманларни қобул қилип, бейҗиң билән тәйвәнни хунүкләштүридиған келишим түзмәйдиғанлиқини билдүрди. Тәйвән чоң қуруқлуқ комитети лйән җәнни "дөләт тонуши қалаймиқан," дәп әйиблигән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт