Xu jintaw bilen gomindang re'isi lyen jen " tarixiy xarektirlik uchrishish" élip bardi

Xitay dölet re'isi xu jintaw bilen bilen teywendiki eng chong öktichi partiye gomindangning re'isi lyen jen, jüme küni béyjingda " tarixiy uchrishish" ni emelge ashurdi. Xu jintaw bilen jongnenxeyde uchrashqan lyen jenning ziyariti, béyjing bilen teywen otturisidiki musteqilliqini merkez qilghan talash tartish jiddileshken mezgilde élip bérildi. Ular jüme küni béyjingda qoshma axbarat élan qilip, teywen musteqilliqigha qarshi turidighanliqini jakarlidi. Gomindang - kompartiye qoshma axbaratida, " ikki partiye teywen musteqilliqigha qarshi turushni ikki partiyining ortaq nishani, dep qaraydu," dep tekitligen.

Tirkishish weziyitige xatime bérish, tinchliq kélishimi imzalash yolidiki söhbetni algha sürüshke qoshulidighanliqini tekitligen ikki partiye qoshma axbaratida, teywenning xelq'ara pa'aliyetlerge qatnishish yolidiki bolupmu dunya sehiye teshkilatigha qatnishish yolidiki arzusigha yardemchi bolushni otturigha qoydi.

Xu jintaw, lyen jen bilen ötküzgen söhbitini " tarixiy uchrishish" dep teripligen. Lyen jen, " bir jonggoda her qaysi terepler özige wekillik qilish" prinsipi boyiche ortaq kélechek qurushni teshebbus qildi. Emma shu küni teywen prézidénti chén shüybyen yaponiyilik méhmanlarni qobul qilip, béyjing bilen teywenni xunükleshtüridighan kélishim tüzmeydighanliqini bildürdi. Teywen chong quruqluq komitéti lyen jenni "dölet tonushi qalaymiqan," dep eyibligen. (Erkin)