Xu jintawgha qarshi namayish Uyghurlar bilen teywenliklerge qaldi


2006.04.13
Share on WhatsApp
Share on WhatsApp

4 - Ayning 20 - küni aq sarayda prézidént bush bilen körüshidighan xitay dölet re'isi xu jintaw, aq saray aldidiki lafayit baghchisida Uyghurlar, teywenlikler we falun'gong muritlirining az dégende nechche yüz kishilik naraziliq namayishigha duch kélishi mumkin. Bu qétimqi namayishqa tibetler qatnashmaydu. Daramsaladiki tibet sergerdan hökümiti amérikidiki tibet musapirlirini xu jintawgha qarshi namayish ötküzmeslikke chaqirdi. Lékin amérika Uyghur jem'iyitining re'isi nuri türkel, tibetlerning namayishqa qatnashmaydighanliqi Uyghurlarning namayish uyushturushigha tesir körsetmeydighanliqini bildürdi.

Fransiye axbarat agéntliqi, xu jintaw - 20 april küni aq saraygha qedem qoyghanda aq saray aldidiki lafayit baghchisida ötküzülidighan 4 sa'etlik namayishqa duch kélidighanliqini bildürdi. Uyghurlarning xu jintawgha qarshi namayishini xelq'ara Uyghur kishilik hoquqi we démokratiye fondi jem'iyiti bilen amérika Uyghur jem'iyiti uyushturmaqta. Shuning bilen birge amérikidiki teywenliklerning 17 ammiwi teshkilati namayish seperwerliki élip barghan.

Uyghurlar namayish jeryanida siyasiy mehbuslargha ölüm jazasi bérishni toxtitish we ularni qoyup bérish, pilanliq tughutni bikar qilish, diniy erkinlikke we Uyghurlarning öz teqdirini özi belgilesh hoquqigha hörmet qilishni telep qilmaqchi. Teywenlikler, béyjing da'iriliri teripidin teywen boghizigha orunlashturulghan 800 dane bashqurulidighan bombini élip kétishni telep qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.